"Муқаддас Китоб асослари Янги Ахд" ўқув дастурининг ушбу маърузасида ўқитувчи Сид Баззелл, жисмоний азоб ва қувғинларга қарамай ўз эътиқодига содиқ қолган имонлиларга қаратилган, Янги Ахд мактубларини умумий кўриб чиқади. Масиҳий бу дунёда қандай қилиб омон қолиши мумкин? Сохта таълимотни қандай қилиб таниб олиш мумкин? Нима тўғри ва ҳақиқий? Юҳанно, Ёқуб, Бутрус, Павлус ва Яҳудо ўзларининг мактубларида илк масиҳийларнинг долзарб саволларига жавоб беришади ва уларни олдинга интилиб, имонда ўсиб, Исо Масиҳга ўхшаб боришга чақиради.